Pulubi

Kapag ba nakakita kayo ng pulubi, ano ang nararamdaman ninyo?

Dito sa Pilipinas, nagkalat ang mga pulubi lalo na dito sa Metro Manila. Bata, matanda, may kapansanan o wala, makikita mo sila kung saan saan. Nariyan iyong kumkalabit sa likuran mo habang nakasakay sa jeep at andyan din iyong nagbibigay ng envelope pagkatapos ay tutugtugin iyong daladalang lata. Sa Recto na malapit sa Divisoria, may mga nanay pang kalong kalong ang anak at nanghihingi ng barya. Hayyyy third world country nga ang Pinas!

Kung minsan nagbibigay ako ng barya pero kadalasan ayoko kong magbigay. Ang alam ko may batas na nagbabawal magbigay sa mga pulubi lalo pag bata. Sa tingin ko may katwiran ang batas na ito. Kasi nga naman nakakabawas dignidad sa isang tao ang pagiging pulubi. Isama mo pa iyong mga sabi-sabi na miembro sila ng sindikato. Kung bata naman ayaw kong masanay siya doon.

Subalit nakakaawa tingnan iyong mga pulubi. Sabi ng isang kaibigan, paano kung ikaw ang ganyan? Tapos hindi ka bibigyan at mumurahin ka pa?

Ang turo ng simbahan ay dapat ibahagi ang mga blessings sa nangangailangan. Pero sa tingin ko may tamang paraan para magbahagi. Tulad ng pagbibigay donasyon sa mga foundation na kumukupkop sa mga batang lansangan.

Pero hindi ba nasa kultura nating Pinoy ang paghihingi. Isa rin itong klase ng pagiging pulubi. Nandyan ang mga kapitbahay o kaupisina na hingi ng hingi.
Hingi ng pagkain. Hingi ng tissue. Hingi ng kung anu-ano. Di ba pulubi din sila? Nariyan din ang mga citizens o local officials na hingi ng hingi ng tulong sa mga politiko kung kayat naghahanap ng makokorap ang politicians natin. Pero ibang usapan na ito.

Nandyan din iyong tuwing nagdadasal ay hingi ng hingi ng pabor kay Lord. O di ba lahat tayo ay pulubi?

Kanina lamang ay dumaan ako sa EDSA. Malayo pa ay may naririnig akong malakas na kumakanta. Noong malapit na ako ay kumanta siya ng "Give Love on Christmas Day". Napakaganda ng kanyang boses kung kaya't hindi na ako nagdalawang isip pang maghulog ng ilang barya sa kahon niya. Ito siya...